Ekonomia eta Enplegua: Gure konpromisoa euskaldun guztien Oparotasunarekin

Gomendatu orri hau

Testuinguru egonkorra

• Egonkortasun politikoaren eta ekonomikoaren alde jardungo duen Eusko Jaurlaritza osatuko dugu. Indarrean dagoen legeria errespetatuko du eta Gernikako Estatutuan aurrez ikusita dagoen gure autogobernua garatuko du.
• Kontzertu ekonomikoa defendatuko dugu eta bere eraginkortasuna erabatekoa izan dadin beharrezkoak diren ekimen guztiak sustatuko eta babestuko ditugu, kudeaketa politizatzea baztertuz, hori baita mehatxurik handiena.
• Zergak murriztuko dituzten erreformak egingo ditugu, enplegusorkuntza eta gure enpresen lehiakortasuna bultzatuz.
• Errentaren gaineko Zerga (PFEZ) eta Udal Zergak murriztuko ditugu, eta horretarako Foru Aldundiekin eta Udalekin beharrezkoak izango diren hitzarmenak sustatuko ditugu, modu horretara, euskaldunok Espainiako zergarik handienak ordaintzeari utz diezaiogun.
• Diru-laguntza eta zerga-alorreko neurrien bidez babestuko ditugu enpresa txiki eta ertainak (ETEak) –batez ere familienak–, horiek baitira gure herrian enplegu eta aberastasun gehien sortzen dutenak.
• Trebakuntza ekimenen ezagutza globala bateratuko duen Merkataritza Institutu berria sortuko dugu.
• Denda txikiei zuzenean laguntzeko Laguntza Plana jarriko dugu abian.

Enplegu gehiago eta hobea

• Erabateko enplegua lortzea izango da geure helburua; horretarako, gizarte eragileekin adostuta, Enplegurako Plan Integrala prestatuko dugu.
• Politika aktiboen eskumena geure egingo dugu berehalakoan, eta Enpleguaren Euskal Zerbitzua (INEM) sortu.
• Lan-egonkortasuna bultzatuko dugu, kontratazio mugagabearen bidez, eta aldi baterako kontratuak mugagabe bihurtuz.
• Emakumeen lan eta familia bizitza bateratzen lagunduko duten neurriak bultzatuko ditugu, lan-jardunaldia malgutuz eta haurtzaindegien eskaintza handituz.
• Enpresetan eta lanbide hastapenerako zentroetan praktikak eskainiko dituzten gazteak trebatzeko prestakuntza planak sustatuko ditugu.
• Ezgaitasunik duten pertsonengan espezialduta dagoen Enplegu Zerbitzua sortuko dugu.

Etxebizitza Ekonomia eta enplegua Hezkuntza

Gizarte Ongizatea Garraioak eta Lan Publikoak Ingurumena eta Nekazaritza